top of page

Abaday nangusog matunol prebilihiyo sa mga Centenarians


Gihingusgan ni Kosehal Roger Abaday, chairman sa Komite sa Games and Amusement, nga mapanday ang ordinansa nga magtunol og P100k isip dugang prebilihiyo ngadto sa mga hamtong nga nag-edad og 100 anyos.


Kini ang unod sa special report ni Abaday atol sa sesyon sa konseho niadtong Lunes nga gidumala ni Bise Mayor Bebot Rodriguez. Matod ni Abaday nga aduna nay mokabat sa 11 ka mga centenarian sa syudad ang nakapahimulos sa maong prebilihiyo apan buot niyang mapanday ang balaod alang sa kapasigurohan sa pagtunol niini.


Gilaraw usab sa konsehal nga matun-an kun magahom sa dakbayan nga makahatag isip paatbang pundo sa Senate Bill 10647 ni Senador Migs Zubiri nga maghatag sa P1 ka milyon nga benepisyo ngadto sa mga centenarian.


Dako iyang pagtuo nga makatabang sa pamilya ang benepisyo sa mga hamtong ilabi na kay daghan na kini ug panginahanglan sama sa tambal ug medisina. Ang taho ni Abaday giduso ni Bise Mayor Rodriguez ngadto sa Komite sa Senior Citizens ni Konsehal Yvy Emano alang sa dugang pagtoon ug rekomendasyon.

コメント


bottom of page