Abaday misugyot sa striktong pagpatuman sa reforestation sa bukirang bahin

STRIKTONG pagpatuman sa reforestation sa bukirang bahin sa syudad, pagpatuman sa no-build zone, river bank rehabilitation, ug uban pang pamaagi alang sa pagpangandam panahon sa kalamidad.

Kini ang unod sa special report ni Konsehal Roger Abaday, chairman sa komite sa public order and safety, atol sa sesyon niadtong Lunes nga gidumala ni Bise Mayor Bebot Rodriguez.

Sumala ni Abaday nga adunay mga pamaagi nga malikayan ang dakong damyos panahon nga adunay trahedya.

Tipik  niini mao ang pagpatuman ang balaod sa pag-dili sa pagpapuyo sa mga delikadong dapit sama sa daplin sa creek nga peligro sa baha, pangpang nga bahin nga delikado sa landslide, ug ang striktong pagbantay sa kina-iyahan nga dili maopaw ang kalasangan tungod sa ilegal nga pagpamutol sa kakahoyan.

Niini gisugyot ni  Konsehal Roger Abaday nga mahatagan kini sa igong aksyon sa mga hingtungdan ahensya sa goberno aron malikayan ang nahitabo sa Bagyong Basyang.

Ang maong sugyot ni Abaday giduso ni Bise Mayor Bebot Rodriguez ngadto sa komite sa environment ni Konsehal Eric Salcedo alang sa tukmang aksyon ug rekomendasyon. (MLR/SP)