Abaday: Mga negosyante kinahanglan moduso sa kompleto nga rekisitos

GIKINAHANGLANG isumite sa mga tigdumala ang tanang rekisitos nga gisita sa balaod ayha mo-isyu og resolution of no objection ang Konseho alang sa maong matang sa operasyon.

KIni ang pamahayag ni Konsehal Roger Abaday, chairman sa komite sa games and amusement, atol sa tigom sa komite.

Ang konsehal mipasabot sa iyang suporta ngadto sa mga negosyante nga gustong mobubo sa ilang puhonan dinhi sa syudad apan kinahanglan nga mosunod sila sa lagda sa balaod.

Nasayran nga misumite sa ilang aplikasyon ang South East First Gaming Corporation alang sa ilang operasyon sa traditional bingo ug electronic bingo diha sa Gaisano Mall ning syudad.

Nunot niini gisugyot ni Abaday ngadto sa maong tigdumala nga mag-sugod kini pagkuha sa rekisitos gikan sa barangay pinaagi sa barangay resolution ug uban pa aron mahimong walay bikil ug hapsay ang pagduso sa maong aplikasyon ngadto sa plenaryo. (MLR/SP)