2025 SK budget sa Pagalungan giaprobahan

PADAYONG gisuportahan sa Konseho sa Syudad ang mga programa sa kabatan-onan sa Barangay Pagalungan.

Sa sesyon  sa konseho niadtong Lunes nga gidumala ni Bise Mayor Bebot Rodriguez, hiniusa nilang gisagop ang resolusyon nga nagdeklara nga mahimo nang ipatuman ang Resolution No. 03-2026 sa Sangguniang Kabataan sa maong barangay nga may kalabotan sa ilang 2026 Annual Budget nga mokabat sa P857,218.

Tipik sa gipundohan sa maong budget ang programa sa health, education, social inclusion and equity, peace-building and security, governance, active citizenship ug environment.

Si Konsehal Kenneth John Sacala, chairman sa komite sa youth and sports development, miduso sa maong lakang aron hingpit nga maserbisyohan ang sector sa kabatan-onan sa maong dapit.

Ang resolusyon nga gisagop sa konseho alang sa maong katuyoan gipaluyohan sa komite sa youth ni Konsehal Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)