GITAHASAN ni Konsehal Eric Salcedo, chairman sa komite sa public utilities, ang kadagkoan sa Roads and Traffic Administration (RTA) sa pagpangita og pamaagi ug solusyon sa reklamo nga gipadangat sa mga drivers ug operators sa Barangay Bayabas kabahin sa ilang bag-ong rota diin apektado ang ilang matag-adlaw nga kinitaan tungod sa kaminus sa mga pasahero sa dapit nga ilang maagian.
Atol sa tigom sa komite, gipaabot ni Kagawad Mark Clifford sa maong barangay nga adunay ubang kapunongan sa mga drivers ang mi-undang sa ilang pagpamasahero tungod kay alkanse tungod sa kamahal sa presyo sa gasolina ug minus ang kinitaan.
Nasayran nga adunay mga bag-ong rota sa kasamtangan ang gipatuman sa RTA agig pagpangandam sa implementasyon sa Local Transport Route Plan kun LTRP.
Nunot niini, gisugyot ni Konsehal Eric Salcedo nga tun-an sa mga kawani sa RTA ang maong rota sa Barangay Bayabas aron dili magbalik balik ang problema ug dapiton ang mga apektadong driver aron mapangitaan sa tukmang solusyon. (MLR/SP)
GIPAABOT nga konsiderahon sa komite sa urban and rural poor ubos ni Konsehal Al Legaspi Sr. ang gipadangat nga resolusyon sa Green Village Homeowners Association (GVHA), Incorporated, Barangay Cugman, ning syudad.Ang maong homeowners association naghangyo nga mapadali ug mahatagan sila og certification of non-regular homeowners nga gikinahanglan sa Department of Human Settlements and Urban Development (DHSUD).
Buot lamang sa mga miyembro nga maplastar na ang ilang pagpamuyo ug makahimulos sa giplanong mga proyekto sa imprastraktura ang ilang dapit nga nahimutang kilid sa suba.
Niini, malaumon si Konsehal Legaspi nga makatambong sa umaabot nga tigom ang tanang sakop sa komite nga gilangkoban nila ni Konsehal Antuy Pascual, Roger Abaday, Nicolo Gaane, Imee Moreno, Edgar Cabanlas, Aga Suan ug Bise Mayor Bebot Rodriguez aron makuha ang ilang mga opinyon bahin sa maong hangyo. (RNQ/SP)
THE 21st City Council headed by Vice Mayor Bebot Rodriguez has approved an ordinance appropriating funds to pay salary differentials and other benefits for employees in several offices of the city government.
The ordinance allocated budgetary resources to cover salary differentials and related benefits for personnel of the City Economic Enterprises and Business Development Administration (CEEBDA), Office of City Building Official (OBO), and J.R. Borja General Hospital (JRBGH).
The legislation was reviewed and endorsed by the committees on finance, budget and appropriation, and on laws and rules chaired by Councilors Yan Lam S. Lim and Edgar S. Cabanlas. (JBD/SP)
