Youth Outreach Program 2025 ipahigayon sa Carmen

IPAHIGAYON diha sa Barangay Carmen karong umaabot Dominggo, Septembre 21 ning tuig, ang Youth Outreach Program nga pangunahan ni City SK Federation President Kenneth John Sacala.

Kini nga kalihokan nunot sa  kasaulogan sa Linggo ng Kabataan nga nagtumong pagpaambit dili lamang sa kasadya  apan sa pag-atiman sa komunidad  pinaagi sa pagtanyag  sa nagkalain laing serbisyo publiko.

Lakip sa serbisyo nga ilang itanyag nga mahimong pahimuslan sa katawhan mao ang libreng  Philhealth registration, medical, pediatric, ug eyes, ears, nose, & throat (EENT) check-up, dental services, libreng medisina, libreng alot, goods and special gift alang sa kabataan ug blood-letting activity.

Niini, malaumon si Konsehal Sacala nga daghang katawhan ang matabangan  ug maalagaran atol sa maong  kalihokan. (JRG/SP)