Youth empowerment gihingusgan ni Sacala

GIHINGUSGAN ni Konsehal Kenneth John Sacala, City SK Federation president ug chairman sa komite sa youth and sports development sa Konseho, nga matutukan ang panginahanglanon  sa  kabatan-onan sa dakbayan.

Gipadayag sa konsehal ang iyang kaikag  pagbuhat niini atol sa gipahigayong tigom sa Sangguniang Kabataan Federation niadtong Agosto 16 ning tuig pahaum sa kasaulogan sa Oro Youth Month International Youth Day kada Agosto 12.

Tipik  sa gihisgutan atol sa maong tigom ang plano paghatag gahom sa kabatan-onan kon youth empowerment program aron  pagsangkap kanila sa kahanas ug oportunidad nga gikinahanglan aron  mahimo silang mga maayong sakop sa katilingban.

Si Konsehal Sacala malaumon nga pinaagi sa suporta sa federasyon ug sa kabatan-onan gilantaw matutukan gayod ang mga panginahanglanon nga gikanahanglan sa kabatan-onan sa kabarangayan. (JRG/SP)