Water rafting site gitinguhang matukod sa Baikingon

KONSIDERAHON dili madugay sa komite sa turismo sa konseho  ni Konsehal Joyleen Mercedes Balaba ang sugyot ni Baikingon Punong Barangay Ronello Gumapac nga magpahimutang sila og  talan-awon nga magpalambo sa turismo sa dakbayan.

Sa iyang sulat ngadto sa konsehal, si Gumapac mibutyag nga samtang ilang barangay nagkonektar sa Bungcalan ug Iponan River, ilang gipili ang Bungcalan  nga  maoy himoon nilang water rafting site aron kini makadugang sa pagbuswak turismo dakbayan .

Hinoon iyang gipasabot nga  kinahanglan pa nilang palamboon ang pipila ka parte sa maong suba alang sa maong katoyuan hinungdan nga sila mihangyo og  ekipo sama nalang sa backhoe nga mauy gamiton  alang sa pagpalambo sa ilang gisugyot nga proyekto. (JRG/SP)