top of page

VM Rodriguez nangusog mapalambo Oro river rafting

“ANG atong nag-unang problema dinha sa Cagayan de Oro River ug sa operasyon sa white water river rafting mao ang pag-quarry dinha sa kilid sa suba nga nakaguba sa rapids ug sa patsada nga talan-awon.”


Mao kini ang giluwatan ni Bise Mayor Bebot Rodriguez, sa sesyon sa konseho niadtong Lunes, human si Konsehal Ian Mark Nacaya nanawagan sa pagpalapad sa suporta sa kagamhanan sa dakbayan sa operasyon sa river rafting.

Matod sa bise mayor nga nawala na gayud ang patsada nga talan-awon ug ang makita mao na ang mga backhoe ug ubang dagkong ekipo nga nagkalot dinha kilid sa suba.


“Wala gayud masulbad ang padayong nasinati sa mga rafting operators taliwala nga adunay pulido nga basihan dinha sa tukmang pagdumala sa river rafting operation isip nag-unang tourist destination sa Cagayan de Oro,” dugang sa bise mayor.

Niini, si Nacaya mibutyag nga kun madeklara ang river rafting isip tourism haven mapalapdan pa ang suporta sa kagamhanan ug mapatuman ang mga programa pagproteher sa Cagayan de Oro River pinaagi sa pagpalabang sa mga balaod nga magpahamtang og multa o’ silot sa mga illegal nga kalihokan dinha sa suba.

Комментарии


bottom of page