VM Rodriguez misuporta sa Team CDO Sepak Takraw

DAKO ang pagpasalamat sa Team CDO Sepak Takraw, nga gipangulohan ni Coach Engr. Cresen L. Anayron, ngadto kang Vice Mayor Jocelyn "Bebot" Rodriguez sa pagtabang niini sa team.

Kahinumduman misaad ang bise mayor sa iyang kinasing-kasing nga suporta ngadto sa team isip mga garbo ug representante sa dakbayan sa nagkadaiyang mga national tournaments. Gani, masaksihan mudula ang Team CDO Sepak Takraw sa National Sepak Takraw Championships sa Dipolog City, Zamboanga del Norte karung Oktubre 7-9, 2022.

Gi-awhag usab ni VM Rodriguez ang tanan Kagay-anon nga i-ampo ang kaluwasan sa team sa ilang paglarga ingon man ang ilang kadaugan sa maong championship.