USTP-Balubal School Campus maghatag dugang kalamboan sa kabataan- Konsehal Suzette

SI Konsehal Suzette Magtajas-Daba, chairman sa komite sa edukasyon, mapasalamaton sa pakigtambayayong sa kagamhanan ug University of Science & Technology of Southern Philippines (USTP) sa mga programa sa edukasyon dinhi sa syudad.

Kini human gipirmahan ni Mayor Oscar Moreno ang Contract of Usufruct tali sa kagamhanan ug sa USTP nga naglangkob paggamit sa lote nga gipanag-iyan sa kagamhanan aron tukuran sa maong tunghaan sulod sa 25 ka tuig nga termino og mahimo’g mabag-o sa laing 25 ka tuig subay sa kasabutan.

Mahinumdoman nga ang konseho sa syudad ubos ni Bise Mayor Kikang Uy mipalabang

sa Ordinance No. 14091-2021 nga naghatag og katungod sa mayor sa pagpirma alang sa maong balaodnon.

Matod ni Konsehal Suzette nga nagsugod lamang kini sa usa ka strategic meeting diha sa USTP main campus niadtong Disyembre 2019 ug karon hingpit nang mapatuman ang maong proyekto.

Sa iyang bahin si Balubal Barangay Kapitan Pablo Bactong uban sa lomolopyo sa ilang dapit kusganong mipadayag sa ilang kalipay ug pasalamat sa kagamhanan sa pagtukod sa maong tunghaan.

Dako kini nga oportunidad sa kabataan, dili lamang sa mga kagay-anon apan lakip na ang mga kasikbit nga dapit kay gawas nga anaa na sa ilang tugkaran ang maong tunghaan hitsas pa og facilidad.

Nunot niini, gipasalamatan ni Konsehal Suzette ang kagamhanan sa dakbayan, USTP, mga opisyal sa Barangay Balubal ug tanang miabag sa katumanan sa maong proyekto.