TWG pagpatumansa Mental Health Program mugnaon

MAGTIGOM ugmang adlawa sa alas 9 sa buntag ang komite sa sports & youth development ni konsehal John Michael Seno diha sa hawanan sa konseho, ning syudad.


Hisgutan sa komite ang sugyot pagmugna og Technical Working Group (TWG) alang sa programa kalabot sa Mental Health Program sa kabatan-onan sa dakbayan.


Lakip sa hisgutan ang ordinansa nga E-Tukod sa sugyot nga magmugna og Human Rights Action Board, pagpatuman sa Youth Week Festival sa dakbayan ug pag-awhag sa kagamhanan patukod og Student Right and Welfare (STRAW) Commission.


Niini, si konsehal Seno nagdapit nila ni konsehal Yan Lam Lim, acting City Administrator Teddy Sabugaa, Jr., City Legal Officer Atty. Jose Sabanal, City DILG Director Engr. Jane Docallos, Oro Youth Development Officer James Patrick Santos, Acting Head City Health Office Dr Lorraine Nery, City Planning Development Officer Ramir Balquin ug uban pang nalambigit sa pagpatuman sa programa pagtambong sa tigom aron paghatag sa ilang panahom ug opinyon sa maong lakang. (SP/RNQuiblat)