Tun-an sa TWG ang pag-establisar aron ma-mugna ang Solid Waste Department

GIHANYO ni Konsehal Eric Salcedo chairman sa komite sa environment ang naglangkob sa technical working group nga lingkoran ug tun-an ang tanang gabayan subay sa balaod sa syudad nga mamugna ang bag-ong Departamento alang Solid Waste Management.

Kini ang sentro sa hangyo ni Salcedo atol sa milabayng tigom sa komite aron mapadali ang pagpatuman sa maong matang sa operasyon.

Nagtoo si Salcedo nga dako kini og makatabang nga mahimong hapsay ang  pagdumala sa atong Landfill area og pagtutok sa pagkolekta sa mga basura sa kabarangayan og hingpit kining mapatuman nga buhatan.

Ang nasangpit nga technical working group gilangkuban sa opisina sa City Local Environment and Natural Resources Office (CLENRO), Liga ng mga Barangay, City Admin,City Legal, City Budget, City Accounting, Office of the City Building Official (OBO), City Planning, City Finance, ug City Engineering.

Niini malaumon si Salcedo nga makab-ot og mahiusa sa technical working group ang tinguha alang sa maong katuyuan. (MLR/SP)