Tukmang aksyon sa mga butang nga ceritified urgent, gi-eksplikar ni Nacaya

HUMAN sa  pagpalabang  sa ordinansa,  buhaton sa ehekutibo ang pagpahibalo sa mga stake holders kalabot sa implementasyon  niini lakip na ang mga regulatory ordinances nga napalabang sa konseho.

Kini ang reaksyon ni Konsehal Ian Mark Nacaya, chairman sa komite sa planning amd research, ngadto sa special report ni Konsehal Rustico Achas atol sa sesyon sa Konseho  niadtong Lunes nga gidumala  ni Bise Mayor Bebot Rodriguez diin siya misugyot sa subling pag-amendar sa Ordinance No.13827-2020  kon Septage   and Sewerage Management System Ordinance alang sa pagpahigayon sa  public hearing o’ konsultasyon.

Matod  sa konsehal  nga segun sa iyang nadungog,  ang nahitabo mao nga human naaprobahan ang maong ordinansa, ang ehikutibo  pinaagi sa ubang channel  mihangyo sa komite  sa pagpahigayon sa public hearing ug diskusyon  mahitungod sa implementasyon niini.

Sumala ni  Nacaya  nga kon adunay certified urgent gikan sa mayor, wala kini magpasabot nga diha-diha dayon aprobahan o dili sa Konseho.

Mahimo kini nga iduso ngadto sa komite alang sa dugang pagtuon, subay sa Local Government Code, dugang sa Konsehal.

Gani, giklaro  niya nga kon  kini  nakalendaryo na sa plenarya, mahimo pa kini nga iduso sa Konseho sa hintungdang  komite. (JRGalano/SP)