TOP 6 sa teacher’s board gipasidunggan

Hiniusang gipahalipayan sa konseho sa syudad atol sa sesyon niadtong Lunes nga gidumala ni Bise Mayor Bebot Rodriguez si Hazel Cabutad, ang Top 6 sa 2023 Licensure Exam for Professional Teachers (LEPT). Nasayran nga si Cabutad usa sa mga produkto sa City Scholarship Program kon Iskolar sa Dakbayan (IsDa). Siya migradwar isip Magna Cum Laude sa kursong Bachelor of Science in Secondary Education (BSEd) sa Xavier University (XU).

Nasayran sa 102,272 nga nagkuha sa pasulit si Cabutad ang ika 6th placer sa 48,005 niini ang malamposong nakapasar niadtong March 2023 Licensure Exam for Professional Teachers. Tungod sa iyang dalaygon nga kalamposan nakahatag og dugang dungog ug garbo sa dakbayan sa Cagayan de Oro.

Si Konsehal Suzette Magtajas-Daba, chairman sa komite sa Edukasyon, kinsa nagpaluyo sa gisagop nga resolosyon, mibutyag nga unta ang kalamposan ni Hazel magdasig sa ubang mga tinun-an nga molampos gyud sa ilang gipili nga mga kurso.