Task Force batok kawat sa electric dower gimugna

HINIUSANG giuyonan sa Konseho sa syudad atol sa sesyon niadtong Martes nga gidumala ni Bise Mayor Bebot Rodriguez ang Resolusyon nga magmugna sa Task Force batok sa naghitak nga kaso sa kawat sa electric dower.

Ang maong task force paga-pangulohan ni Mayor Klarex Uy, uban sa Kapolisan, CEPALCO, opisyales sa kabarangayan ug uban pang ahensya sa goberno isip mga sakop.

Kini sa katuyoan nga masumpo ang mikuyanap nga pagpangawat sa electric dower diha sa mga poste sa CEPALCO nga maoy hinungdan nga masinati ang pagkawala sa kuryente ug peligro usab sa sunog.

Sumala ni konsehal Roger Abaday, chairman sa komite sa Public Order and safety, nga ubay-ubay na nga electric dower ang gipangkawat panahon sa lawom nga kagabihon diin miresulta sa pagkawala sa sugang dagitabnon.

Gihangyo ni  Abaday ang  kapolisan lakip na sa mga opisyal sa kabarangayan nga palapdan nila ang ilang pagpatrolya aron malikayan ang maong panghitabo.

Malaumon si konsehal Roger Abaday nga pinaagi sa kooperasyon ug pagtinabangay sa tanan, dako ang kahigayonan nga mapakgang ang maong hitabo. (MLR/SP)