top of page

Suzette motuon sa hangyo pagtul-id sa covered court sa City High


Tukion sa komite sa edukasyon ni Konsehal Suzette Magtajas-Daba ang gipadangat nga resolosyon sa Rotary Youth City Council Batch 2022 nga naghangyong magahinan og pundo ang pagtul-id sa covered court sa Cagayan de Oro National High School-Senior High.


Gibutyag nga grabe na kaguba ang maong covered court nga nanginahanglan gyud sa dinaliang renobasyon apan ang barangay ug ang tunghaan walay kapasidad sa pagpaayo niini.


Mahinungdanon kaayo kini nga proyekto sa tunghaan kay kini ang venue nga magamit sa mga tinun-an ug magtutudlo sa tanang matang sa ilang mga kalihokan.


Niini, si Daba nanghinaut nga makatambong sa umaabot nga tigom ang mga hepe sa buhatan sa City Hall nga mahimong makahatag sa tukmang aksyon ug rekomendasyon.

Comentários


bottom of page