Suzette motuki sa sugyot pagmugna sa City College

Tukion sa komite sa edukasyon ni Konsehal Suzette Magtajas-Daba ang sugyot ordinansa pagtukod sa City College sa dakbayan sa Cagayan de Oro. Kini naglakip sa tinguha nga mamugna ang korporasyon, maglatid usab sa pagdumala, katungdanan ug responsibilidad sa governing board ug paghatag sa educational ug professional training.

Ang tigom sa komite karong alas 2 sa hapon ipahigayon dinha sa hawanan sa konseho ug gipaabot tambongan nila ni Konsehal Imee Moreno, Malou Gaane, George Goking, Jay Pascual, John Michael Seno, Yvy Emano, Edgar Cabanlas, James Judith II ug Bise Mayor Rodriguez.

Gidapit nga motambong sa tigom sila si City Administrator Atty. Roy Hilario Raagas, City Legal Officer Atty. Kenneth Tamala, OIC - City Accounting Office Roxanne Ravidas, City Treasurer Jasmin Maagad, City Budget Officer Atty. Percy Salazar, hepe sa City Scholarships Office, Oro Youth Development Office Manager Lord Saver Centina ug pipila ka mga hepe ug opisyal sa mga hintungdang ahensya sa dakbayan. `