top of page

Suzette misuporta sa mga pasiunang lakang pagmugna sa City College


Dako ang suporta ni Konsehal Suzette Magtajas-Daba, chairman sa komite sa edukasyon, sa gilaraw sa administrasyon ni Mayor Klarex Uy pagmugna sa Cagayan de Oro City College.

Kini human giluwatan sa mayor ang EO No. 044-2022 nga nagmugna sa Technical Working Group (TWG) nga mopahigayon og feasibility study alang sa maong katuyoan diin target nga masugdan ang proyekto sa umaabot tuig 2023.

Usa sa napili sa TWG mao ang pagkuha og online survey sa mga trabahante ug empleyado sa lain laing departamento sa City Hall.

Niini, si Konsehal Daba miawhag sa tanang undergraduate nga kawani sa City Hall nga motubag sa maong survey sa link nga https://www.surveymonkey.com/r/CDOCCFS3.

Tumong niini nga survey mao ang pag-ila sa mga posibleng kliyente, pagdesinyo sa development plan sa campus, pag-establisar sa panginahanglan sa usa ka lokal nga makaangkon og mas taas nga edukasyon ug pagtino sa gisugyot nga mga gitanyag sa programa ug gikinahanglan nga human resource.

Nanghinaut si Daba nga mahatagan og panahon sa mga kawani sa City ang pagtubag sa maong survey alang sa pagkab-ot og tukmang result nga gikinahanglan sa pagmugna sa City College. (RNQuiblat/SP)

Kommentare


bottom of page