Suzette mipahalipay sa malampusong KATIG Scholars’ Camp 2023

Si Konsehal Suzette Magtajas-Daba, chairman sa komite sa edukasyon, mipahalipay sa tanang mitambong sa KATIG Scholars’ Camp 2023.

Ang maong kalihokan gipahigayon niadtong Enero 21-22 diha sa Gardens of Malasag, Eco-Tourism Village, Cugman nga gitambongan sa kapin 50 ka mga city scholar-leaders ug gipasiugdahan sa buhatan sa City Scholarships Office (CSO) sa panguna ni CSO Head Richel Petalcurin-Dahay.

Tinguha sa maong kalihokan nga mapalig-on ang panglantaw dinha sa pag-umol sa mga iskolar nga mamahimong maayong lider sa komunidad sa umaabot nga panahon.

Atol sa kalihokan, si Daba mibutyag nga kanunay niyang gipahinumdoman ang mga iskolar sa pagtutok sa ilang pagtuon ug paghatag kanunay og garbo ug gugma sa ilang pagtuon aron makakab-ot ang gitinguha nga kalamboan sa ilang kinabuhi.