Suzette miawhag sa mga bag-ong iskolarmosalmot sa webinar sa Okt 8, 2022

SI Konsehal Suzette Magtajas-Daba, chairman sa komite sa edukasyon, kinasingkasing nga mipahalipay sa tanang bag-ong iskolar sa dakbayan (IsDa) atol sa gipahigayong “Magnify: Discovering Excellence in the New Normal” webinar series.

Ang online nga kalihokan adunay duha ka yugto ug ang unang serye gipahigayon niadtong Setyembre 17 samtang ang ikaduhang yugto sa umaabot Oktubre 8, 2022.

Ang programa nga giandam sa buhatan sa City Scholarship (CSO) alang sa mga bag-ong iskolar aron mahatagan og tabang ug giya samtang sila mobalhin gikan sa high school paingon sa kolehiyo.

Matod sa konsehal nga ang maong programa makahatag og dakong tabang dili lamang sa ilang akademikong kalamboan kun dili lakip na sa pagpalambo sa kahimsog sa pangisip ug social skills.

Seryosohon ninyo ang maong webinar kay daghan kamo og makat-onan nga mamahimong kasangkapan sa pag-atubang sa mga hagit sa kinabuhing kolehiyo, panawagan ni Konsehal Daba.

Si Daba kanunay nagpahinumdum sa tanang iskolar nga ang kagamhanan ubos sa administrasyon ni Mayor Klarex Uy mituo sa ilang potensyal aron makab-ot ang gipangandoy nga kalamboan sa kinabuhi.

Niini, giawhag ni Konsehal Suzette nga dili mopakyas sa sunod nga episode pinaagi sa zoom twb.nz/magnify3 ug CDO City Scholarship Office facebook live, ala una hangtud alas 3 sa hapon.