Suzette miawhag sa mga aplikante sa City Scholarships pagtambong sa online assembly

SI Konsehal Suzette Magtajas-Daba, chairman sa Komite sa Edukasyon, mipahinumdom sa tanang aplikante sa 2022 College Scholarships Program sa dakbayan nga motambong sa pagahimoong online applicant’s assembly ugmang adlawa pinaagi sa FB page CDO City Scholarships Office.

Gipasabot sa konsehal nga ang pagtambong sa kalihokan usa sa mga mahinungdanon nga parte sa proseso sa dili pa ang pagpasa sa mga gikinahanglang dokumento sugod sa Marso 21, ning tuig.

Pahimusli kining maayong kahigayonan nga programa sa gobyerno sa ingon nga maangkon ang maayong edukasyon nga magdala kaninyo sa mahayag nga kaugmaon ilabina niadtong mga ginikanan nga kulang ang kinitaan aron makapatungha sa mga anak.

Niini, si Konsehal Suzette hugot nga nanawagan ug naghangyo sa tanang aplikante nga motambong sa pagahimoong online applicants’ assembly aron malikayan ang ma-disqualify ug mobisita sa FB page CDO City Scholarships Office o mamahimong motawag sa numero 09298190819 alang sa dugang kasayuran.