Supplementary program alang sa kabataan gisuportahan sa Konseho

GILANTAW   nga  mahatagan sa malahutayong feeding program ang kabataang nagpangidaron gikan sa 2 ngadto sa 5 anyos nga na-enroll sa lain-laing Early Childhood Care and Development (ECCD) Centers sa dakbayan.

Kini human ang Konseho sa sesyon  nga gidumala ni Bise Mayor Bebot Rodriguez mipalabang  og ordinansa nga  naghatag panugot sa lokal nga kagamhanan pinaagi  ni  Mayor Rolando Klarex Uy sa pagpirma sa Memorandum of Agreement (MoA) tali sa Department of Social Welfare and Development Department (DSWD) ubos ni Regional Director Ramel F. Jamen kalabot sa kolaborasyon diha sa pagpatuman sa  15th Cycle Supplementary Feeding Program sa Early Childhood Care and Development.

Tumong  sa maong programa  nga mapagaan ang gibug-aton sa mga pamilya  nga anaa sa huyang nga komunidad  ug nga ma-promote ang partisipasyon sa komunidad  pinaagi sa pakiglambigit sa mga local groups diha sa preparasyon sa  pagkaon.

Sa kinatibuk-an, ang programa mopalig-on sa presensya sa sa ECCD ug magpakita  sa padayon nga kaakuhan sa kagamhanan  diha  sa panglawas, nutrisyon  ug sayong edukasyon sa kabataan.

Nahilatid usab sa maong kasabutan  nga ang DSWD mao ang primaryang  ahensya  nga gimanduan sa pagdevelop, pagpatuman ug pagkoordinar alang sa social protection sa  kabataan, solusyon  nga makunhoran ang kapobrehon, mahuyang  ug  sa  nabintahaan  gawas pa nga  mao kini ang motubag sa kakulangon sa nutrisyon sa kabataan. (JRGalano/SP)