top of page

Sugyot nga one-way traffic scheme dihas Nazareth gisuportahan

HUGOT nga gisuportahan sa Komite sa Public Utilities ni Konsehal Romeo Calizo ang sugyot sa  Konseho sa Barangay Nazareth nga mapatuman ang one-way traffic scheme dihas 19th ug 18th Streets ug porsyon sa 17th-8th Streets sa barangay.


Kini human gituki atol sa milabayng tigom sa komite ni Calizo ang  gipakanaug nga Orden Ehekutibo No. 12-2003  sa Barangay  Nazareth nga nag mando alang sa permanenteng pagpatuman sa  maong stratehiya.


Cuncilor Romeo V. Calizo Chairperson Committee on Public Utilities (Roads & Traffic Management)

Sa tigom, si Barangay Kagawad Rommel Pimentel mipasabot  nga  ilang gipatuman sa kasamtangan ang stratehiya  dala ang tinguha nga  mapatuman sa hingpit kun mauyonan sa Konseho sa Syudad ang pagpalabang sa  gikinahanglang  ordinansa alang sa hapsay ug hamugaway  nga dagan sa trapiko sa nahisgotang mga dalan. Ang maong lakang paborableng gisuportahan sa Roads and Traffic Administration (RTA).


Gani, si Engr. Nonito Oclarit, Office Manager sa RTA, misugyot nga unta malakip usab pagtumbok ang kilid sa dalan nga magamit nga parking area ug mipasalig pagduso sa ilang pinal nga rekomendasyon ngadto sa komite sa labing daling panahon. Sa iyang bahin, si Konsehal Ian Mark Nacaya mibutyag nga adunay igong gibug-aton ang sugyot sa barangay ilabina nga diha na gaagi ang mga sakyanan gikan sa Divisoria, Cogon, ug Balulang.


Niini, ang komite gipaabot mopatawag og laing tigom  alang sa maong katuyoan aron  hingpit nga  mapanday ang ipalabang nga sugyot ordinansa.

תגובות


bottom of page