Suan mosuporta sa mga programa sa kabarangayan

“Panaghiusa, pagsalig ug tinud-anay nga serbisyo angayan lamang nga akong ibalik kaninyong mga residente dinhi sa Barangay Iponan.”

Kini ang gibutyag ni Konsehal Aga Suan, minority floor leader sa Konseho, atol sa senimanang pagpakayab sa bandila sa barangay.

Gisaad ni Suan nga andam siya mosuporta sa mga programa sa kabarangayan ug makigtambayayong sa pagkab-ot alang sa dugang kalamboan sa dakbayan kay ang kalamboan magumikan man gayud sa usa ka barangay diha sa pagpadayon sa tinuoray, malinawon, ug hapsay sa pagdala sa usa ka lider.

Nagpasalamat ang konsehal ngadto sa Konseho sa Barangay Iponan ug mga kawani niini sa pagdapit ug sa mainitong pag-abi-abi kaniya atol sa maong okasyon. (RNQ/SP)