top of page

Special sesyon sa konseho gitakda sa Hunyo 15, 2023


Gitakdang himuon sa umaabot Hunyo 15, 2023 dinha sa Cagayan de Oro Convention Center (CICC) ang special session sa konseho sa syudad ubos ni Bise Mayor Bebot Rodriguez.


Kini nunot sa kasaulogan sa ika-73 nga sumad sa Adlaw sa Karta sa dakbayan sa Cagayan de Oro diin si Mayor Klarex Uy mopaabot usab sa iyang unang State of the City Address (SOCA).


Ang pagpahigayon sa maong special session maghatag sa kahigayonan sa konseho nga madungog ang taho sa mayor sa iyang pagdumala sa dakbayan sa Cagayan de Oro sulod sa halos usa ka tuig nga paglingkod.


Lakip sa gipaabot nga ipataho sa mayor mao ang mga lakang nga gihimo aron maangkon ang kalampusan sa pagpatuman sa mga programa ug proyekto nga nagdala sa dugang kaarangan sa kinabuhi sa tanang Kagay-anon.








留言


bottom of page