Special Bakunahan dihas City Hall karong adlawa

GIHATAGAN sa kahigayonan ang mga kawani sa City Hall ingon man ang mga miembro sa pamilya nga mabakunahan dinha mismo sa City Hall.

Kini human si Acting City Administrator Teodoro Sabuga-a Jr. miluwat sa Memorandum No. 0165-22 nga nagpahibalo sa tanang hepe ug empleyado sa City Hall nga ang Mobile Vaccination Team anaa karong adlawa, Pebrero 24 sa Emergency Operation Center (EOC) aron mopahigayon sa Special Bakunahan alang sa mga kawani ug miembro sa pamilya nga nag-edad og 12 anyos pataas.

Sa kasayuran nga nadawat sa buhatan ni Bise Mayor Kikang Uy, ang mga bakuna nga gitanyag mao ang Pfizer, Moderna, Sinovac ug Astrazeneca.

Niini, si Bise Mayor Kikang miaghat niadtong wala pa nakapabakuna o kadtong kinahanglan sa second dose o’ booster shots sa pagbisita sa EOC gikan sa alas 8:00 sa buntag hangtod sa alas 5:00 sa hapon.