PBBM gipasalamatan sa Liga ng mga Barangay-CdO Chapter

HUGOT  nga gipasalamatan sa Liga ng mga Barangay-Cagayan de Oro Chapter nga gipangulohan ni ABC President Konsehal Marlo Tabac si  Presidente Ferdinand Marcos Jr. kinsa mitunol  sa tag P200 mil nga financial assistance  ngadto sa matag barangay  alayon sa Bawat Barangay Makikinabang (BBM) program.

Ang BBM program usa ka ayudang financial  nga gipundohan  sa Office of the President-Socio Civic Projects  Fund (SCPF)  nga gitunol sa  barangay, diin ang P100 mil  gitagana alang sa Scholarship Assistance Program  sa barangay  samtang  ang P100 mil gitagana sa mga barangay priority projects sama sa community improvement initiatives, pagpalit og ekipo sa buhatan, pag-instalar  og mga suga sa kadalanan, disaster preparedness and response activities ug uban pang mahinungdanong  proyekto.

Malaumon si Konsehal Tabac  nga ang BBM assistance makahatag og dakong tabang sa mga scholars sa kabarangayan sa pagsuporta sa ilang pag-eskwela  ug usab sa mga programa sa barangay. (JRG/SP)