top of page

SK officials gihangyo pag-abag pagpatuman sa health protocols

Giaghat ang tanang opisyal sa Sangguniang Kabataan (SK) nga mo-abag sa ilang tagsa-tagsa ka barangay sa pagpatuman sa minimum health protocols.

Kini ang panawagan ni Konsehal John Michael Seno, chairman sa komite sa Sports and Youth Development atol sa tigom kagahapong adlawa nga nagtuki kabahin sa SK budget sa duha ka barangay.

Gipasabot sa konsehal nga adunay mga pundo nga gigahin alang sa mga programa ug proyekto sa kabatan-onan nga kasamtangang dili mapatuman tungod sa pandemya ug sa pagpailawom sa Cagayan de Oro sa Enhanced Community Quarantine (ECQ) tungod sa padayong pagsaka sa kaso sa Covid-19 virus.

Nasayran nga wala nay igong pundo ang mga barangay nga sarang makalahutay sa kalihokan alang sa pag-implementar og mga lakang kontra CoVid-19 pandemic.

Subay niini, si konsehal Seno kusganong misugyot ngadto sa tanang SK nga pinaagi sa paghan-ay pag-usab sa ilang mga pundo (realignment of budget) uban sa koordinasyon sa barangay aron usab makatabang ang SK sector sa pagtubag sa mga kinahanglanon alang sa striktong pagpatuman sa mga health protocols diha sa ilang tagsa-tagsa ka barangay.



コメント


bottom of page