SK budget sa Barangay 36 giaprobahan

HINGPIT nang mapatuman sa Sangguniang Kabataan sa Barangay 36 ang ilang SK 10 centers for youth participation.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez mipalabang og resolusyon nga nag-aprobar sa resolution sa  maong barangay nga may kalabotan sa ilang SK Annual Budget nga mokabat sa P425 mil kapin  gikan sa Enero ngadto sa Disyembre.

Tipik sa ilang gipundohan sa mao ang programa sa panglawas pinaagi sa pagpahigayon sa information education campaign ug seminar alang sa mental health awareness, programa sa edukasyon pinaagi  sa paglusad sa SKwelataUy pinaagi sa pag-apod apod og supplies ug mga materyales ingon man pagpahigayon sa SKasama sa Pagbasa ug Buwan ng Wika.

Dugtong niini, gigahinan usab nila ang programa alang sa peacebuilding and security pinaagi sa paglusad sa “Yes to Hugs, No To Drugs” active citizenship pinaagi pagpahigayon sa SK Assembly ug Linggo ng Kabataan, economic empowerment pinaagi  sa pagpahigayon sa job fair ug  programa  alang sa environment pinaagi sa pagpahigayon sa solid waste management seminar inabagan sa City Local Environment and Natural Resources Office.

Ang resolusyon  nga gipalabang sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos  ni Konsehal Ed Cabanlas. (JRG/SP)