SK Budget sa Barangay 33 giaprobahan sa konseho

GIAPROBAHAN pinaagi sa resolusyon sa konseho sa dakbayan ubos sa liderato ni Bise Mayor Bebot Rodriguez ang P381,152.00 nga budget sa Sangguniang Kabataan sa Barangay 33 aron mapalapad ang mga programa alang sa kabatan-onan.

Gilantaw ang hayag nga ugma sa kabatan-onan sa maong barangay human giaprobahan ang ilang budget aron sa pagpatuman sa programa sa panglawas, edukasyon, peace building and security, economic empowerment, active citizenship, governance ug sa kinahiyahan.

Ang pag-aprobar sa maong budget nagpakita sa lig-on nga suporta sa konseho  sa pagpalambo sa sektor sa kabatan-onan.

Dako kining tabang aron mapalapad ang serbisyo, matod ni Konsehal Kenneth John Sacala, chairman sa komite sa youth and sports development, human opisyal nga giaprobahan sa konseho ang tinuig nga SK budget sa nasangpit nga barangay.

Ang resolusyon nga gisagop sa konseho alang sa maong katuyoan gipaluyohan sa komite sa youth ni Konsehal Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)