AB sa Barangay 23 SK giuyonan sa konseho

PABORABLENG giuyonan sa konseho sa dakbayan  atol sa sesyon niadtong Lunes nga gidumala ni Presiding Officer Protempore Konsehal Roger Abaday ang resolusyon sa Sangguniang Kabataan sa Barangay 23 nga may kalabotan sa ilang 2026 Annual Budget nga mokabat sa P508,014 alang sa implementasyon.

Gihatagan sa prioridad sa maong budget ang pag-implementar sa ilang SK Youth Development and Empowerment Program nga gilangkoban sa  programa sa edukasyon, panglawas, kinaiyahan, active citizenship, peace building and security, governance ug social inclusion and equity.

Ang resolusyon nga gisagop sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)