Pickleball tournament gisugdan; Goking nagpasalamat sa suporta sa maong isport

DAKO ang kalipay ug pasalamat ni Konsehal George Christopher Goking, chairman sa komite sa trade and commerce, ngadto sa tanan nga nahimong kabahin ug nagtabang aron mamugna ang malampusong pag-abi sa Pickleball Tournament sa City Hall.

Kini human gisugdan ang labing unang Pikol Ta Uy! Inter-Departmental Pickleball Tournament niadtong Miyerkules sa hapon, Oktubre 21, nga gipahigayon sa City Hall Quadrangle. Ang maong kalihokan gisalmotan sa mga empleyado ug opisyal sa kagamhanan sa dakbayan.

Ang tulo ka adlaw nga torneyo gibahin sa tulo ka kategoriya: men's doubles, women's doubles, ug mixed doubles, diin gipakita sa matag partisipante ang ilang kadasig ug abilidad sa sa maong dula

Nagpasalamat usab si Konsehal Goking sa sponsorship sa Davies Paints Philippines-Northern Mindanao, ubos sa ilang Development Officer nga si Jason Oraiz, sa pagpintal sa bag-ong pickleball court nga gigamit maong kompetisyon.

Matod ni Konsehal Goking nga ang maong kalihokan labaw pa sa usa ka dula o kompetisyon. "This activity reminds us that sports bring people together, promote an active lifestyle, and strengthen friendship and teamwork among our fellow public servants."

"Enjoy the court, keep the sportsmanship alive, and congratulations to all the winners," sumpay ni Konsehal Goking.

Sa laing bahin, dako usab ang pagpasalamat sa konsehal ngadto sa City Mayor’s Office ug sa tibuok team ubos ni Chief of Staff Ma’am Sheila B. Lumbatan sa pagdala sa maong torneyo ug kang City Administrator Atty. Roy Raagas nga maoy mihimo sa "opening serve.". (RNQ/SP)