SK Annual budget tukion sa komite sa sports, youth dev’t

MAGTIGOM ugmang adlawa, Oktubre 22, 2021 sa alas 9 sa buntag ang komite sa sports and youth development ni Konsehal John Michael Seno diha sa hawanan sa konseho.

Hisgutan sa tigom ang gisumeteng Sangguniang Kabataan (SK) Annual Budget alang sa kasamtangang tuig sa Barangay 19, Balubal ug Macasandig.

Dugang tukion ang sugyot sa pag-establisar sa Student Right and Welfare (STRAW) Commission kun STRAW ug ang gisumeteng Position Paper ni CHR Regional Director Atty. Ivy Abrina kabahin sa pagmugna sa Human Rights Action Board sa dakbayan sa Cagayan de Oro.

Niini, si Seno nagdapit nila ni acting city administrator Teddy Sabuga-a, Jr, city legal officer Atty. Jose Sabanal, city DILG director Engr. Jane Docallos, city budget officer Atty. Percy Salazar, city accountant Atty. Beda Joy Elot, city treasurer Jasmin Maagad, city planning and development officer Ramir Balquin ug Oro youth development officer James Patrick Santos aron paghatag sa ilang panahom ug opinyon sa mga gitakdang hisgotanan.

Gipaabot usab sa konsehal nga motambong sa tigom sila si city schools division superintendent Dr. Cherry Mae Limbaco-Reyes, CHR-regional director Atty. Jeanne Ivy Abrina, city police director P/Col. Aaron Mandia, CHED director Dr. Raul Alvarez, Jr ug mga opisyal sa barangay 19, Balubal ug Macasandig.