SK annual budget sa Bugo giuyonan sa Konseho

PABORABLENG giuyonan sa Konseho sa Syudad  sa sesyon niadtong Lunes nga gidumala ni Bise Mayor Bebot Rodriguez ang  resolusyon nga nag-aprobar sa SK Annual Budget sa Barangay Bugo ning syudad nga mokabat sa P4,716,684.

Tipik sa ilang gihatagan sa prioridad mao  ang pagpatuman sa ilang “SK 10 Centers for Youth Participation” nga gilangkoban sa  health  pinaagi  sa pag-implementar botika ni SK & feeding program, edukasyon pinaagi sa pagtanyag og training ug scholarship grant sa kabatan-onan, peace building and security pinaagi sa paglunsad sa liga kontra druga, governance pinaagi sa pagpahigayon sa Katipunan ng Kabataan (KK) assembly, active citizenship pinaagi sa pagsaulog sa Linggo ng kabataan ug environment pinaagi sa pagpahigayon sa clean up drive.

Sumala ni Konsehal Sacala,  iyang gisuportahan ang pagpalabang sa maong balaodnon tungod kay dako kini og gikatabang sa pagpalambo sa mga programa sa kabatan-onan sa maong barangay.

Ang resolusyon nga gisagop sa konseho alang sa maong katuyoan gipaluyohan sa komite sa sports and youth development ni Konsehal Sacala ug komite sa pamalaod ug reglamento ubos ni Konsehal Ed Cabanlas. (JRG/SP)