SK Annual Budget sa Barangay No. 35 giuyonan sa Konseho

HINIUSANG giuyonan sa Konseho sa Syudad sa sesyon  kagahapon nga gidumala ni Bise Mayor Bebot Rodriguez ang resolusyon  nga nagdeklara sa Barangay Resolution No. 004-2026 sa Barangay No. 35 nga may kalabutan sa ilang Annual Budget nga epektibo ng ipatuman sa kinatibuk-an.

Lakip sa  gipundohan ubos sa maong budget ang programa sa health, education, peace building and security, active citizenship, ug environment nga gilantaw’ng maghatag dugang kaarangan sa kinabuhi sa kabatan-onan sa ilang dapit.

Ang maong lakang niagi sa makuting deliberasyon sa mga hintungdang buhatan sa City Hall ug mga komitiba sa konseho ug nasuta nga mahimo nang  maimplementar sa labing dali nga panahon.

Ang resolusyon nga gisagop sa konseho alang sa maong katuyoan gipaluyohan sa komite sa youth and sports development ubos ni Konsehal Kenneth John Sacala ug komite sa palamaod ug reglamento ni Konsehal Edgar Cabanlas. (JRG/SP)