top of page

Sisterhood ties kalabot sa Road Safety tali’s CDO, Zamboanga girekomendar

GIREKOMENDAR sa Komite sa Sister Cities ni Konsehal Suzette Magtajas-Daba ngadto sa Komite sa Pamalaod ni Konsehal Edgar Cabanlas ang sugyot ordinansa nga maghatag og katungod ni Mayor Klarex Uy pagpirma sa Memorandum of Understanding (MOU) tali sa Cagayan de Oro ug Zamboanga City nga naglangkob sa pagtukod og Sisterhood Agreement kalabot sa Road Safety.

Tumong sa MOU nga makuha ang panagtambayayong aron mamugna ang mga stratehiya, teknolohiya, datus ug ubang impormasyon kalabot sa mga insidente sa kadalanan, pagka-angol, pagkamatay ug pagpatuman sa mga angayang lakang aron mahimong luwas ang tanan dinha sa kadalanan.


Nasayran gikan sa datus sa Philippine Statistics Authority (PSA) nga adunay pagsaka sa mga insidente diin nalambigit ang kabatan-onan o’ mga batang gikan sa tunghaan nga molungtad sa pagkamatay dala sa kakulangon sa mga lakang nga maghatag sa luwas nga pag-agi sa kadalanan.


Niini, gipaabot nga masukip sa agenda sa umaabot nga regular sesyon sa Konseho ang maong sugyot ordinansa human sa ipahigayong pagtuki sa komite ni Cabanlas.

コメント


bottom of page