SFMMPI gi-akredit sa konseho

PABORABLENG gi-akredit sa konseho sa syudad sa sesyon niadtong Lunes nga gidumala ni Bise Mayor Bebot Rodriguez ang Shields of Faith Ministries Mindanao Philippines, Inc. (SFMMPI) sa Barangay Canitoan isip membro sa Local Special Bodies sa syudad.

Gisuportahan sa konseho ang maong lakang subay sa DILG Memorandum Circular No. 2025-060 ug Article 64, Rule XIII sa Implementing Rules and Regulations Local Government Code ug human nasuta nga nakaduso sa gikinahanglang rekisitos and maong grupo alang sa maong katuyoan.

Isip sakop sa LSB, ang maong kapunongan mahimong makapangayo og pundo sa kagamhanan ug ubang ahensya sa gobyerno aron magamit pagpatuman sa ilang mga programa ug proyekto nga gilantawng maghatag kalamboan sa ilang mga membro.

Niini, ang konseho misagop og resolusyon alang sa maong katuyoan nga gipaluyohan sa komite sa planning, research, innovation ug people’s organization accreditation ni Konsehal Jonjon Rodriguez ug komite sa pamalaod ug reglamento ubos ni Konsehal Ed Cabanlas. (RNQ/SP)