Seno motuki sa lagdaang MoU talis CDO, PBEd

MAGTIGOM karong alas 2 sa hapon dinha sa hawanan sa konseho ang komite sa Sports and Youth Development ni Konsehal John Michael Seno.

Tipik sa tukion mao ang pagpalabang sa sugyot ordinansa nga maghatag og katungod sa mayor pagpirma sa Memorandum of Understanding (MoU) tali sa kagamhanan sa dakbayan ug Philippine Business Education (PBEd), Inc. nga naglangkob sa pagpatuman sa Youthworks PH Project.

Hisgutan usab sa komite ang SK annual budget sa Barangay No. 5 ug ang isyu kabahin sa giingong adunay bayad matag oras sa mogamit sa basketball court diha sa barangay Cugman.

Niini, gidapit ni Seno nga motambong sa tigom aron mopaambit sa ilang panahom ug opinyon sila si City Administrator Atty. Roy Hilario Raagas, City Legal Officer Atty. Kenneth Tamala, City DILG Director Engr. Jane Docallos, Oro Youth Development Officer James Patrick Santos, PESO Manager Kathleen Kate Sorilla, City Treasurer Jasmin Maagad, City Budget Officer Atty. Percy Salazar ug City Accountant Atty. Beda Joy Elot.

Ang tigom gipaabot tambongan nila ni Konsehal Roger Abaday, Jay Pascual, Imee Moreno ug Edgar Cabanlas.