Seno manguna sa ocular inspection dihas Kauswagan

SI Konsehal John Michael Seno, chairman sa komite sa public works, maoy manguna sa ipahigayong pagsusi karong alas 9:00 sa buntag diha Zone 5 Bongbongon, barangay Kauswagan.

Susihon sa komite ang dalan sa dapit nga gilarawng sementohon apan matod pa adunay residente nga nagdumili tungod kay maigo ang iyang luna.

Nasayran nga ang laraw sa dakbayan pagsemento sa maong dalan maglakip na sa proyekto pagtukod og drainage.

Gidapit nga mouban sa pagsusi ang representante sa City Engineer’s Office (CEO), Administrator’s Office, City Legal Office ug mga opisyal sa barangay Kauswagan.

Gipaabot usab nga mouban sa panon ni Seno sila si Konsehal Roger Abaday, Girlie Balaba, Jay Pascual, Lourdes Gaane ug Bernie Esparcia.