SB1 sa Lumbia aprobado sa konseho


Dugang serbisyo ug mga programa ang matagamtaman sa katawhan sa Barangay Lumbia.

Kini human ang konseho sa syudad sa sesyon niadtong Lunes nga gidumala ni Bise Mayor Jocelyn Rodriguez misagop sa resolusyon nga nag-uli sa ordinansa sa Lumbia diin nasukip ang ilang Supplemental Budget No.1 nga mobalor og P1,925,905.00 alang sa hingpit nga pagpatuman.

Lakip sa gipunduhan sa barangay sa maong SB1 ang pagpalit og ekipo, pagtukod og proyekto sa infrastratura ug maintenance and operating expenses sa barangay sa nahabiling bulan sa tuig 2022.

Ang resolusyon nga gisagop sa konseho alang sa maong katuyuan gipaluyuhan sa komite sa barangay affairs ni Konsehal Yan Lam S. Lim ug komite sa pamalaod ni Konsehal Ian Mark Nacaya.