SB1 sa Barangay 13 giuyonan sa konseho

PADAYON ang Barangay No. 13 sa pagpalapad sa ilang serbisyo ngadto sa ilang mga ginsakopan.

Kini human ang konseho sa syudad sa sesyon kagahapon nga gidumala ni Bise Mayor Jocelyn Rodriguez misagop og resolusyon nga nag-uli sa ordinansa sa Barangay 13 diin nasukip ang ilang Supplemental Budget No. 1 nga mobalor og P629,353.00.

Lakip sa gipunduhan sa maong budget ang mga programa alang sa dugang kaarangan sa serbisyo sa ilang dapit.

Ang resolusyon nga gipabalabang sa konseho alang sa maong katuyuan gipaluyuhan sa komite sa barangay affairs ni konsehal Yan Lam S. Lim ug komite sa pamalaod ni Konsehal Ian Mark Nacaya.