SB 1 sa Barangay 1 giuyonan sa konseho

DUGANG kalamboan ang gilantaw nga matagamtaman sa mga lumulopyo sa Barangay 1, ning syudad.

Kini human ang Konseho sa Syudad sa sesyon sa Lunes nga gidumala ni Bise Mayor Bebot Rodriguez hiniusang misagop sa resolusyon nga nag-uli sa ordinansa sa Brgy 1 diin nasukip ang ilang Supplemental  Budget (SB) No. 1 nga mobalor og P185, 882.68 aron mapatuman karong tuiga subay sa rekomendasyon sa buhatan sa City Budget.

Gihatagan og prioridad sa barangay ang sosyo-kultural nga mga kalihokan, pagtunol og benepisyo sa mga kawani, maintenance expenses lakip na sa training,  mga gamit ug materyales  sa opisina ug uban pang operating expenses.

Ang resolusyon nga gipalabang sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug sa komite sa pamalaod ug reglamento ni Konsehal Edgar Cabanlas. (RNQ/SP)