top of page

Recent Posts

Archive

Tags

Salcedo supak sa dili klarong pagpatumansa moratorium sa DENR-10 dinhi sa dakbayan

6 hours ago
1 min read

DAKO ang pagsupak ni Konsehal Eric Salcedo, chairman sa komite sa environment, sa dili klarong pagpatuman  sa moratorium sa Department of Environment and Natural Resources (DENR-10)  sa tanang operasyon sa sand and gravel quarry diha sa kabarangayan duol sa Iponan River.


Kini ang unod sa special report ni Konsehal Salcedo atol sa sesyon niadtong Lunes nga gidumala ni Bise Mayor Bebot Rodriguez.Sumala sa konsehal nga dili angayan nga maigo o maapil sa moratorium ang dakbayan tungod kay ang munisipyo sa Opol, Misamis Oriental lamang ang gitumbok sa nahisgutang public advisory ug wala nalakip ang syudad sa Cagayan de Oro sa area of coverage niini.


Dugang ni Salcedo nga ang kalit nga pagsuspende sa quarry operation sa syudad mahimong moresulta sa pagkunhod sa kinitaan sa dakbayan ug ang pagkasaka sa presyo sa mga construction materials, ug lakip niini nga maapektohan ang panginabuhian sa katawhan nga nagtrabaho sa pag-quarry.


Niini, gihangyo ni Konsehal Eric Salcedo ang opisina sa DENR-10 pinaagi sa Mines and Geosciences Bureau (MGB) nga tun-an pag-ayo ug himoon ang insaktong proseso alang sa nasangpit nga katuyoan.


Ang maong taho ni Konsehal Salcedo giduso ni Bise Mayor Rodriguez ngadto sa komite sa environment alang sa dugang pagtuon ug rekomendasyon. (MLR/SP)   



 
 
 

Comments


bottom of page