Salcedo subling naghanyo sa katawhan nga motuman sa iskedyul sa tinglabay sa basura

SUBLING nanawagan ug naghanyo sa katawhan si konsehal Eric Salcedo, chairman sa komite sa environment, nga kinahanlan mokooperar ang tanan aron malabay sa insakto ang mga basura sa kabarangayan sa syudad.

Kini nunot sa nagpadayong giatubang nga problema sa mga basura nga nagtambak sa kadalanan sa syudad.

Sumala ni Konsehal Salcedo nga kinahanglan musonod ang katawhan sa oras sa tinglabay ug mahimong responsable aron malikayan ang pagtipun-og sa mga basura nga posibleng mahimong tinubdan sa mga sakit.

Siya midugang nga problema sa syudad ang mga late throwers nga dili makatuman sa skedyul sa tinglabay sa basura.

Niini malaumon si Konsehal Eric Salcedo nga pinaagi sa pagtinabangay ug kooperasyon sa katawhan, mahimong malimpyo ang palibot sa syudad. (MLRapanot/SP)