Salcedo padayong naningkamot alang sa hamugaway nga garbage collection

Ang pag-manage sa solid waste usa ka shared responsibility tali sa dakbayan, barangay, ug household.

Kini ang gipasabot  ni Konsehal Eric Salcedo, chairman sa komite sa environment and natural resources sa konseho, atol sa programa sa kahanginan nga INYONG KONSEHO KARON samtang gituki nila ang kahimtang sa solid waste management sa Cagayan de Oro.

Sumala sa konsehal  nga gapaningkamot siya uban ang City Local Environment and Natural Resources Office nga ma-convene ang mga Barangay Solid Waste Management Committee aron sila ang mo- oversee sa ilang tagsatagsa ka barangay kon natuman ba ang waste segregation ug sila usab ang magmugna sa mga plano.

Dugang niini, lantawon usab ang mga illegal nga paglabay o kanang galabay sa wala gitumbok nga lugar ug kanang ulahi na galabay sa ilang mga basura nga pagkasunod adlaw na makuha sa garbage collector.

Malaumon si Konsehal Salcedo nga pinaagi sa pagtinabangay ug kooperasyon sa tanan, makab-ot ang hapsay ug hamugaway  nga pagkolekta sa basaura  sa tibuok dakbayan. (JRG/SP)