top of page

Salcedo naninguha nga maplastar ang pagtunol sa ayuda

Hugot nga nahingawa si konsehal Enrico Salcedo, chairman sa komite sa Environment and Natural Resources, sa dili maayo nga pagdumala sa pagpang-apod-apod sa Cash Ayuda ngadto sa katawhan nga miresulta sa daghang reklamo.

Kini ang reaksyon ni Salcedo sa special report ni konsehal Lordan Suan sa sesyon niadtong Lunes nga gidumala ni Bise Mayor Kikang Uy mahitungod sa reklamo nga daghan ang wala makadawat sa ayuda.

Matod ni Konsehal Salcedo nga bastante unta kaayo ang kwarta nga gihatag sa nasyonal nga kagamhanan tungod kay sobra pa unta kini kon maayo lang ang pagdala niini.

Sobra man unta ang kwarta apan natingala ko nganong gubot man kaayo, pamahayag ni konsehal Salcedo.

Gipasabot sa konsehal nga kinahanglan nga maresolba kini nga isyo aron nga kun adunay laing hugna sa ayuda preparado na ang syudad og hapsay ang pagtunol niini.

Dugtong niini gibutyag ni Salcedo nga nalooy siya sa mga kapitanes tungod kay sila ang napasanginlan labina diha sa profiling hinungdan nga iyang gisugyot nga maimbistigahan kini aron dili na mausab.

Si Konsehal Salcedo nanghinaot nga maresolbar kini aron kun ugaling aduna pay laing hugna sa ayuda malikayan na ang mga problema.


Comentarios


bottom of page