Salcedo naninguha matabangan mga nanginabuhi dihas Bolonsiri

GITINGUHA ni Konsehal Eric Salcedo, chairman sa komite sa environment and natural resources, nga mapangitaan og pamaagi nga maabagan kadtong nanginabuhi dinha sa Bolonsiri Public Cemetery.

Kini human giingong naapektohan ang kapanginabuhian sa nagpadayong gipatuman nga redevelopment project sa maong sam-ang.

Sa milabayng tigom sa komite, gipasabot ni Salcedo nga kadtong mga naapektohan sama nalang sa mga gapangbuhat sa pantheon ug uban pa kinahanglan nga mapangitaan sa paagi tungod kay gobyerno naman ang gabuhat niini.

Hinuon, iyang gipasabot nga pipila lang man usab ang apektado nga angayang tabangan ug hatagan sa igong pagtagad.