Salcedo nanghinaot sa suporta sa bag-ong liderato sa RTA

NANGHINAOT si Konsehal Eric Salcedo, chairman sa komite sa public utilities ug overseer sa Roads and Traffic Administration (RTA), nga magkahiusa gihapon ang mga personahe sa RTA ug suportahan bag-ong nagdumala nga si OIC Doy Romero.

Mahinumdoman nga bag-ong gitudlo ni City Mayor Rolando Klarex Uy si Doy Romero isip Acting Department Manager sa Roads and Traffic Administration ug gihulipan si Engr. Nonito Oclarit nga anaa usab gidestino sa City Local Environment and Natural Resources Office (CLENRO).

Malaumon si Konsehal Salcedo nga himoon sa bag-ong napiling Head sa RTA ang iyang trabaho aron makita ang kabag-ohan sa dagan sa trapiko sa Dakbayan nga maoy nag-unang problema sa syudad. (MLR/SP)