Salcedo motuki sa reklamo batok aplikante sa sand, gravel quarry permit

MAGTIGOM sa sunod semana ang Komite sa Environment and Natural Resources ni konsehal Eric Salcedo aron maghatag og solosyon sa reklamo sa president sa AV Pamatong Trading and Construction Incorporated batok sa aplikasyon sa usa ka pribadong indibidwal alang sa Commercial Sand and Gravel Permit diha sa Barangay Balulang.

Gibutyag nga sa maong aplikasyon sa sand and gravel quarrying sa Balulang, giingong adunay maagiang mga pribadong lote nga naglakip na sa loteng gipanag-iyahan sa AV Pamatong Trading.

Hinuon, ang aplikante mipasabot nga sukad pa sa niaging mga panahon ang ilang gaagian nga dapit kalsada na ug posibleng aduna lay tipik sa lote sa mga Pamatong nga maapektohan.

Niini, si Salcedo nagdapit sa duha ka partido pagtambong sa gitakdang tigom ingon man ang representante sa barangay Indahag tungod kay diha man moagi sa Tagunao area ang operasyon.